మిడ్జిల్ మండలంలో ఘోర ప్రమాదం: విద్యుత్ తీగలు తగిలి పశుగ్రాసం ట్రాక్టర్ దగ్ధం.. కన్నీరుమున్నీరవుతున్న రైతు! మే 21:మిడ్జిల్ మండల పరిధిలోని వెలుగోముల గ్రామంలో గురువారం ఒక ఘోర ప్రమాదం చోటుచేసుకుంది. గడ్డి చుట్టల లోడుతో వెళ్తున్న ఒక ట్రాక్టర్, ప్రమాదవశాత్తు పైనున్న లో-టెన్షన్ (LT) విద్యుత్ తీగలకు తగిలి పూర్తిగా అగ్నిగూడంగా మారింది.స్థానికులు తెలిపిన వివరాల ప్రకారం:నాగర్కర్నూల్ జిల్లా తాడూరు మండలం గుంతకోడు గ్రామానికి చెందిన రైతు చెన్నమల్లేష్ తన ట్రాక్టర్పై పశుగ్రాసం గడ్డి చుట్టలను లోడ్ చేసుకుని వెలుగోముల మీదుగా వెళ్తున్నారు. ఈ క్రమంలో రోడ్డుపై తక్కువ ఎత్తులో వేలాడుతున్న ఎల్టీ లైన్ కరెంట్ తీగలు ట్రాక్టర్పై ఉన్న గడ్డికి తగిలాయి. క్షణాల వ్యవధిలోనే మంటలు చెలరేగి, ట్రాక్టర్ మొత్తానికి వ్యాపించాయి.బూడిదైన వాహనం.. దిక్కుతోచని స్థితిలో రైతు:మంటలను గమనించిన స్థానికులు వెంటనే స్పందించి, నీళ్లతో మంటలను ఆర్పేందుకు శతవిధాలా ప్రయత్నించారు. అయితే మంటల తీవ్రత ఎక్కువగా ఉండటంతో ఫలితం లేకపోయింది. కళ్ల ముందే తన జీవనాధారమైన ట్రాక్టర్, పశుగ్రాసం పూర్తిగా కాలి బూడిదవుతుండటాన్ని చూసి బాధిత రైతు చెన్నమల్లేష్ కన్నీరుమున్నీరుగా విలపించారు. కొనుగోలు చేసిన పశుగ్రాసం తో పాటు, వాహనం కూడా ధ్వంసం కావడంతో ఆయన దీనస్థితిని చూసి స్థానికులు చలించిపోయారు. ఈ ఘటనకు సంబంధించిన పూర్తి వివరాలు, నష్టపరిహారం తదితర అంశాలు ఇంకా తెలియాల్సి ఉంది.
