ప్రాంతమంతా కాషాయమయం కావడంతో భక్తిభావం ఉట్టిపడుతోంది. మారుతీ నందనుడి జన్మదినోత్సవాన్ని పురస్కరించుకుని ఆలయాల్లో ప్రత్యేక పూజలు, అభిషేకాలు నిర్వహించేందుకు కమిటీ సభ్యులు సర్వం సిద్ధం చేశారు. జై శ్రీరామ్, జై హనుమాన్ నామస్మరణతో కావేరమ్మ పేట మారుమోగుతోంది. భక్తులకు ఎటువంటి ఇబ్బందులు కలగకుండా అన్ని సౌకర్యాలు కల్పిస్తున్నామని ఉత్సవ కమిటీ సభ్యులు తెలిపారు.