హైదరాబాద్: ఆగస్టు 23
తెలంగాణ రాష్ట్ర రవాణా శాఖ మంత్రి సమక్షంలో ఆటో యూనియన్ల ప్రతినిధులతో రవాణా భవన్లో కీలక సమావేశం జరిగింది. ఈ చర్చల్లో ఆటో డ్రైవర్ల సంక్షేమం, ప్రయాణ ఛార్జీల సవరణ, ప్రభుత్వ ఆధ్వర్యంలో కొత్త యాప్ రూపకల్పన వంటి పలు ప్రధానాంశాలపై రవాణా శాఖ కీలక నిర్ణయాలు మరియు స్పష్టతలను ఇచ్చింది.
తెలంగాణ రాష్ట్ర రవాణా శాఖ మంత్రి సమక్షంలో ఆటో యూనియన్ల ప్రతినిధులతో రవాణా భవన్లో కీలక సమావేశం జరిగింది. ఈ చర్చల్లో ఆటో డ్రైవర్ల సంక్షేమం, ప్రయాణ ఛార్జీల సవరణ, ప్రభుత్వ ఆధ్వర్యంలో కొత్త యాప్ రూపకల్పన వంటి పలు ప్రధానాంశాలపై రవాణా శాఖ కీలక నిర్ణయాలు మరియు స్పష్టతలను ఇచ్చింది.
ఈ సమావేశంలో చర్చకు వచ్చిన ముఖ్యమైన అంశాలు:
- ఈవీ ఆటోల పాలసీపై స్పష్టత: టీజీఎస్ఆర్టీసీ (TGSRTC) లాస్ట్ మైల్ కనెక్టివిటీ కోసం ఈవీ ఆటోలను ప్రవేశపెడుతోందనే వార్తల్లో నిజం లేదని, అలాంటి విధానపరమైన చర్చలేవీ జరగలేదని మంత్రి స్పష్టం చేశారు.
- కార్మికుల సంక్షేమ బోర్డు: రవాణా కార్మికుల సంక్షేమ బోర్డు ఏర్పాటుపై కార్మిక శాఖతో కలిసి ప్రాధాన్యత ప్రాతిపదికన చర్యలు తీసుకుంటామని మంత్రి హామీ ఇచ్చారు. ఈ అంశాన్ని రాబోయే అసెంబ్లీ సమావేశాల్లో చర్చిస్తామని, సెప్టెంబర్ మొదటి వారంలో కార్మిక శాఖ మంత్రితో సంయుక్త సమావేశం ఏర్పాటు చేస్తామని తెలిపారు.
- ఆటో ఛార్జీల సవరణ: ఆటోరిక్షా ఫేర్ ఛార్జీల సవరణ కోసం ఇప్పటికే ఒక వర్కింగ్ గ్రూప్ను ఏర్పాటు చేసినట్లు, రాబోయే 15 రోజుల్లోగా ఈ ప్రతిపాదనలను ప్రభుత్వానికి సమర్పిస్తామని అధికారులు వెల్లడించారు.
- ప్రభుత్వ కొత్త యాప్: ఓలా, ఉబర్, రాపిడో తరహాలో ప్రభుత్వం స్వయంగా ఒక మొబైల్ యాప్ను అభివృద్ధి చేసే అంశాన్ని ఐటీ శాఖ దృష్టికి తీసుకెళ్లనున్నారు.
- బైక్ టాక్సీలు & పర్మిట్లు: అగ్రిగేటర్ విధానంలో కేవలం ఎల్లో ప్లేట్ బైక్లను మాత్రమే సిఫార్సు చేసినట్లు రవాణా శాఖ స్పష్టం చేసింది. అలాగే జీఓ నెం. 263 కింద నిలిచిపోయిన ఆటోరిక్షా పర్మిట్ కోటాను తిరిగి విడుదల చేయనున్నారు.
- ఇతర జిల్లాల ఆటోల నియంత్రణ: హైదరాబాద్ నగరంలో ఇతర జిల్లాల ఆటోలు అక్రమంగా తిరగకుండా కఠినమైన నిబంధనలు అమలు చేయడానికి రవాణా శాఖ అంగీకరించింది.
- ఆర్థిక సాయం & బీమా: ఆటో డ్రైవర్లకు ₹12,000 ఆర్థిక సాయం అందించే అంశాన్ని తదుపరి క్యాబినెట్ సమావేశంలో చర్చిస్తామని మంత్రి తెలిపారు. ప్రమాద/సహజ మరణ బీమా సౌకర్యంపై కార్మిక శాఖతో మాట్లాడనున్నట్లు పేర్కొన్నారు.
- లైసెన్స్ సమస్యలు & ప్రైవేట్ ఫైనాన్స్: సారథి పోర్టల్లో ఆటో లైసెన్స్ కేటగిరీపై కేంద్ర ప్రభుత్వం నుండి స్పష్టత కోరనున్నారు. ప్రైవేట్ ఫైనాన్స్ కంపెనీల అక్రమ వసూళ్లపై విచారణ జరిపిస్తామని రవాణా శాఖ హామీ ఇచ్చింది.